दुनिया में मोर बजरंगी
🌹👏🌹👏🌹👏🌹
दुनिया में मोर बजरंगी के नाम बड़े हे।
नाम बड़े हे प्रभु के काम बड़े हे।
दुनिया में मोर---------
राम नाम दिन रात जपत हे करत राम के काम।
भरत सही पिरोहिल राम के ह्रदय लगाये राम ।
सूरज ला लीलने वाला के
सूरज लीलने वाला के काम बड़े हे।
दुनिया में मोर बजरंगी के नाम बड़े हे।
दुनिया में---
अवध पुर में बेंदरा बन आगे भोला के अंवतारी।
अपने बनगे बेंदरा शिवजी ,अपने बने हे मदारी।
नाच के राम रिझईया के
नाच के राम रिझईया के काम बड़े हे।।
दुनिया में मोर बजरंगी के नाम बड़े हे।
दुनिया में--
ब्राहम्ण रूप मा मिले राम ला होइस जब बनवास।
बाली के डर में रिष्यमुक में सुग्रीव करे निवास ।
राम सुग्रीव के मिलइया के
राम सुग्रीव के मिलइया के काम बड़े हे।।
दुनिया में मोर बजरंगी के नाम बड़े हे
दुनिया में-----
सीता के पता लगाये खातिर कइसे समुद्र ला नापे।
रावण के बाटिका उजारे दानव दल सब कांपे।
पूंछ में लंका जलइया के
पूंछ में लंका जलइया के काम बड़े हे।।
दुनिया में मोर बजरंगी के नाम बड़े हे।
दुनिया में--
विभीषन संग करे मिताई लंका के भेद ला पाये।
माँ सीता के गोदी मा मुंदरी तंही गिराये।
सीता ला सुख पहुंचइया के
सीता ला सुख पहुंचइया के काम बड़े हे।।
दुनिया में मोर बजरंगी के नाम बड़े हे।
नाम बड़े हे प्रभु के काम बड़े हे।
दुनिया में मोर बजरंगी के नाम बड़े हे।।
केवरा यदु "मीरा"
