सरस्वती शिक्षा संस्थान

सरस्वती शिक्षा संस्थान
सब झन ल रद्दा बतइय्या
सरस्वती शिक्षा संस्थान गा।
जेकर रूख के छइंहा मा
मिलिस हमला पहिचान गा।।

उन्नीस सो बावन में
अंकुर ए उपजाईस हे।
थोरकिन लइका धरके
पउधा ल रुख बनाईस हे।
सुघर ठउर बनाए भईय्या
गोरखपुर गउठान गा।।
सब झन ला...
पढ़े जिहा सबके लइका
शिशु मंदिर ओला कहिथे।
भईय्या बहिनी दीदी आचार्य
शिशु मंदिर म रहिथे।
इंहा के लइका बने सबे
संसकारी गुनवान गा।
सब झन ला...
गौतम गांधी चाचा नेहरू
ए धरती म जनम धरिन।
एकलव्य बालक वीर हकीकत
अपन धरमबर जीन मरिन।
इंहा पढ़े बहिनी भइय्या
करत हे करम महान गा।
सब झन ला...
पढ़ई लिखई के संगे संग
सुसंसकारी बनाथे।
संगच्छध्वं संगदध्वं के
भाव सुघर जगाथे।
दाई सरसती के चरण म
सादर मांथ नवांन गा।
सब झन ला...
शिशु मंदिर के शिक्षा ल
सबो डहर बगराबो।
गली खोर के धुर्रा ल
सुघर कनक बनाबो।
एही खातिर आवौ सबे
करबो अब परसथान गा।
सब झन ला...
-आचार्य तोषण
सशिमं डौंडीलोहारा